Eva Lugbauer
fadeufen waun s dahea kumman med eanare oogschlekdn hoa med eanan söölechn grinsa med eanan gschniigldn boad med eanan siassn bafeu med eanare glaunzadn schuach med eanare rasiadn waln med eanare weissn glaln de boliadn engl aus eanare butzdn woekn waun s maanan daas olle so wia se sei soetn und wos s oes wissn und wos s oes kenan wia schnöö s ned renan woo s ned iwaroe scho woan und nii haum sa se fafoan nii fafloong nii gloong nix faschuasdad nix faluadad nix fasumpad nix fasaud nix fahaud nix fasoffm nix faschissn nix fasömmed nix faschbüüd nix fagogld nix fakennd nix fasoezn nix fabrennd schau wia s ohne feia glaunzn schau wia s ohne gnisdan schdroen schau wia s lauwoam oogschlekd an jedn gfoen megsd du wiakle med de engl ziang megsd du ned es feia gschbian hosd amoe iwalegd daas de glaln blendn kenntn megsd du wiakle aa so glaunzn megsd du ned men deufe daunzn
Dieses Gedicht stammt aus: faschaun farena fagee. Literaturedition Niederösterreich, St. Pölten 2023. 192 Seiten. Euro 24,–
