Eva Lugbauer
falossn amoe nu gee r e ens wossa amoe nu gschbia r e es soez amoe befoa heid de sun zrinnd schau r e nu gschwind hinta s mea amoe nu schau r e auf d insl amoe nu gschbia r e de sun amoe befoa r e aufs schiff schdeig draa r e me nu um za de beag amoe nu giw e da a bussl amoe nu gschbia r e dei haud amoe befoa r e daun ham gee schausd ma nu du hintahea amoe nu schdee r e foam schbiagl amoe nu moch e me schee fia di amoe befoa s du daun fuat geesd schau r e da nu noch siach nua ead und imma nu gee i weida und imma nu bisd du fuat und imma waun e es soez gschbia deng e dahaam bin e hoed duat hintan mea
Dieses Gedicht stammt aus: faschaun farena fagee. Literaturedition Niederösterreich, St. Pölten 2023. 192 Seiten. Euro 24,–
